حكايتي مع عفريت البحر
بسم الله بها نبدى كلامي
وصلاة وسلام على خير الأنام
محمد صاحب الشفاعة يوم القيام
وعلى أهلوا وآل بيتو وصحابو الكرام
حكايتي غريبة ما سبق جات على لساني
شحال خبيتها فقلبي وتحت عيوني وجفاني
ما ساق خبارها لاقريب،لاحتى براني
وليوم جيت نعاودها ليكم يا خواني
إيدي مرفوعة ورجاي فالستار الرحمان
تكون فيها إفادة بمشيئتوا لكل إنسان
فيوم النعاس فيه ما جاني
و كثر فيه آسيادي أرقي و تخمامي
وبديت نتلفت وراي أ قدامي
ومن الخلعة وليت نقفقف وولاو يتقرقبوا سناني
حسيت براسي عيان وبالي ماهو هاني
حالي غريب هاذ النهار وهاذ الشي عمرو ما جاني
إيوا نخرج برا يضربني شويت البرد أنولي ثاني
وهاذ الشي ما درت يا خواني
خرجت نتمشى فجنب البحر
بوحدي يا سيادي فهاذ البر
وكان الضو ضو القمر
شاعل جميل بحال الجمر
وكل شي حدايا باين مصور
وفوق راسي طيرا بقر
ومواج بجنبي تتكسر
سبحان الخالق،سبحان من صور
وفجأة آسيادي ظلام الجو وزاد تخسر
و القمر المضوي،ورا غمامة زاد غبر
ومن البحر خرج قصر
جميل يتلالا بحال البدر
تقول ساق لغيابوا خبر
ومنو خرج عفريت حمر
راس مدور بلا شعر
ونيف غليظ شكلوا مخسر
وذن ناقصاه ومن عينو عور
وليت نقفقف،اللي شاف عدر
وعلى البكا ما بقى لي صبر
خنزر فيا ومعايا هدر
بصوت يا خواني كيقهر
آش كدير فجنب البحر؟
مالقيت ما نقول لهاد الحمر
وبديت قداموا نتقهقر
نملق ليه ولخاطروا نجبر
حال الحنش بين ضفار الصقر
آسيدي ما ديرش مني لقلت الصواب
كنت فداري والنوم عني غاب
قلت نخرج نشوف حباب
ولعندك قادني المكتاب
حتى بان قدامي شي ضباب
وقصر كبير راسوا فالسحاب
وخرجت نتا من هاد الباب
وقلبي مليتي بالإرهاب
خليتني عايش فعذاب
العفريت يا خواني عجبوا الكلام
وضحك حتى بانوا ففمو السنان
وزاد طمن قلبي الولهان
حيت بداني هو بالسلام
واعطاني منو الأمان
وداني لقصروا بكل اطمئنان
وشفت شي غريب يسحر الأفهام
ياقوت وجوهر ومرجان
وصبايا كيف البدر فالتمام
وزواق جميل صنعة فنان
وشي كثير خفا ما بان
عمرو ما شافو شي إنسان
العفريت تلفت ليا وقال
خود ما تبغي:جوهر،صبايا ومال
معاي تعيش مرتاح البال
بعد لي غير من مولات الخال
راه صابت قلبي بالهبال
وعليها آبنادم لا تسال
راه عمرك ليها ما تنال
قلت ليه:هي ليك هنية
ما نحط عليها عينيا
براكة ما عطيتي ليا...
وخرج العفريت فالعشية
وبقيت بوحدي فهاذ الهنية
وقلت نتمشى شويا
وفي الجردة شفتهاهيا
ياقوتة زينة السمية
صابت قلبي ببلية
وعينيها خرجوا عليا
من أول نظراتها ليا
زكات ليا رجليا
وزادت ضحكات ليا
حقيقة،مزينها بنية
بحالها ما سبق شافوا عينيا
قلت ليها آزينة السمية
آجي نديروا شي مزية
نتزوجوا و نعيشوا فهنية
آش ظهر ليك فهاذ القضية؟
جاوبتني بكلام معقول
والعفريت اللي فيك تاق
ليه آش تقول؟
ياك هو اللي بابو خلاه ليك محلول
سيف الحق ديما مسلول
لا تكون طماع بحال الغول
خوكم بها كان مهبول
ما داهاش فما كانت تقول
حيت عقلوا وقلبو بها مشغول
جاوبها بكلام لطيف
غنخودك ولو بالسيف
ولا تسوليني كيف؟
راني بحبك ما نخاف
لا عفريت،لا طيف
أزايدون آش بيتي بداك عوج النيف
ما جا فين يكمل كلاموا
حتى تصور العفريت قداموا
أبشع مخلوق شافوا فمناموا
بعد ما كان بدر فتماموا
تسد فمو وزكا لسانوا
تقول دار ليه لجاموا
وما قد يعطيه خو كلاموا
هدا خيري يا الطماع
دخلت لقصري أوليتي سبع
مين جيتي غادي ترجع.
غبر من قدامي قبل ما نغضب
وما تقدر مني تهرب
ولقيت راسي فبيت النعاس
دوزت الليل كامل عساس
عيا وصداع يدوخ الراس
هدي نهاية شرار الناس
لاتكون خويا طماع،راه الطمع بالشر يتقاس
القناعة مزينها ساس
ولو كانت غير بنحاس
بعد خويا من الوسواس
ما يكون عندك سيدي باس
لا تكون خويا طماع،راه الطمع بالشر يتقاس
بسم الله بها نبدى كلامي
وصلاة وسلام على خير الأنام
محمد صاحب الشفاعة يوم القيام
وعلى أهلوا وآل بيتو وصحابو الكرام
حكايتي غريبة ما سبق جات على لساني
شحال خبيتها فقلبي وتحت عيوني وجفاني
ما ساق خبارها لاقريب،لاحتى براني
وليوم جيت نعاودها ليكم يا خواني
إيدي مرفوعة ورجاي فالستار الرحمان
تكون فيها إفادة بمشيئتوا لكل إنسان
فيوم النعاس فيه ما جاني
و كثر فيه آسيادي أرقي و تخمامي
وبديت نتلفت وراي أ قدامي
ومن الخلعة وليت نقفقف وولاو يتقرقبوا سناني
حسيت براسي عيان وبالي ماهو هاني
حالي غريب هاذ النهار وهاذ الشي عمرو ما جاني
إيوا نخرج برا يضربني شويت البرد أنولي ثاني
وهاذ الشي ما درت يا خواني
خرجت نتمشى فجنب البحر
بوحدي يا سيادي فهاذ البر
وكان الضو ضو القمر
شاعل جميل بحال الجمر
وكل شي حدايا باين مصور
وفوق راسي طيرا بقر
ومواج بجنبي تتكسر
سبحان الخالق،سبحان من صور
وفجأة آسيادي ظلام الجو وزاد تخسر
و القمر المضوي،ورا غمامة زاد غبر
ومن البحر خرج قصر
جميل يتلالا بحال البدر
تقول ساق لغيابوا خبر
ومنو خرج عفريت حمر
راس مدور بلا شعر
ونيف غليظ شكلوا مخسر
وذن ناقصاه ومن عينو عور
وليت نقفقف،اللي شاف عدر
وعلى البكا ما بقى لي صبر
خنزر فيا ومعايا هدر
بصوت يا خواني كيقهر
آش كدير فجنب البحر؟
مالقيت ما نقول لهاد الحمر
وبديت قداموا نتقهقر
نملق ليه ولخاطروا نجبر
حال الحنش بين ضفار الصقر
آسيدي ما ديرش مني لقلت الصواب
كنت فداري والنوم عني غاب
قلت نخرج نشوف حباب
ولعندك قادني المكتاب
حتى بان قدامي شي ضباب
وقصر كبير راسوا فالسحاب
وخرجت نتا من هاد الباب
وقلبي مليتي بالإرهاب
خليتني عايش فعذاب
العفريت يا خواني عجبوا الكلام
وضحك حتى بانوا ففمو السنان
وزاد طمن قلبي الولهان
حيت بداني هو بالسلام
واعطاني منو الأمان
وداني لقصروا بكل اطمئنان
وشفت شي غريب يسحر الأفهام
ياقوت وجوهر ومرجان
وصبايا كيف البدر فالتمام
وزواق جميل صنعة فنان
وشي كثير خفا ما بان
عمرو ما شافو شي إنسان
العفريت تلفت ليا وقال
خود ما تبغي:جوهر،صبايا ومال
معاي تعيش مرتاح البال
بعد لي غير من مولات الخال
راه صابت قلبي بالهبال
وعليها آبنادم لا تسال
راه عمرك ليها ما تنال
قلت ليه:هي ليك هنية
ما نحط عليها عينيا
براكة ما عطيتي ليا...
وخرج العفريت فالعشية
وبقيت بوحدي فهاذ الهنية
وقلت نتمشى شويا
وفي الجردة شفتهاهيا
ياقوتة زينة السمية
صابت قلبي ببلية
وعينيها خرجوا عليا
من أول نظراتها ليا
زكات ليا رجليا
وزادت ضحكات ليا
حقيقة،مزينها بنية
بحالها ما سبق شافوا عينيا
قلت ليها آزينة السمية
آجي نديروا شي مزية
نتزوجوا و نعيشوا فهنية
آش ظهر ليك فهاذ القضية؟
جاوبتني بكلام معقول
والعفريت اللي فيك تاق
ليه آش تقول؟
ياك هو اللي بابو خلاه ليك محلول
سيف الحق ديما مسلول
لا تكون طماع بحال الغول
خوكم بها كان مهبول
ما داهاش فما كانت تقول
حيت عقلوا وقلبو بها مشغول
جاوبها بكلام لطيف
غنخودك ولو بالسيف
ولا تسوليني كيف؟
راني بحبك ما نخاف
لا عفريت،لا طيف
أزايدون آش بيتي بداك عوج النيف
ما جا فين يكمل كلاموا
حتى تصور العفريت قداموا
أبشع مخلوق شافوا فمناموا
بعد ما كان بدر فتماموا
تسد فمو وزكا لسانوا
تقول دار ليه لجاموا
وما قد يعطيه خو كلاموا
هدا خيري يا الطماع
دخلت لقصري أوليتي سبع
مين جيتي غادي ترجع.
غبر من قدامي قبل ما نغضب
وما تقدر مني تهرب
ولقيت راسي فبيت النعاس
دوزت الليل كامل عساس
عيا وصداع يدوخ الراس
هدي نهاية شرار الناس
لاتكون خويا طماع،راه الطمع بالشر يتقاس
القناعة مزينها ساس
ولو كانت غير بنحاس
بعد خويا من الوسواس
ما يكون عندك سيدي باس
لا تكون خويا طماع،راه الطمع بالشر يتقاس